“Oʼzbekiston pochtasi” АJ Namangan filiali Norin tuman pochta aloqasi bogʼlamasi “Tanqidlar Uz” telegram kanalida eʼlon qilingan maqola boʼyicha quyidagilarni maʼlum qiladi.

Uchqoʼrgʼon tumanlararo Fuqarolik ishlari boʼyicha Sudi tomonidan 2021-yil 13-oktabr kuni Norin tumani Xaqqulobod shahri, Yaydoq MFY, Tulpor koʼchasida istiqomat qiluvchi fuqaro M.X nomiga yuborilgan 274-sonli buyurtma xati, Norin tumaniga 15-oktabr kuni kelib tushgan.

Mazkur xat pochtalion tomonidan joriy yilning 16-oktabr kuni manzili boʼyicha olib borilganda oluvchining uyi berk boʼlganligi, xabarnomani tashlab ketish uchun uy oldida pochta qutisi mavjud boʼlmaganligi sababli xabarnoma qoldirish imkoniyati boʼlmagan.

Shu sababli mazkur xat 21-oktabr kuni taxminan soat 15:00 lar atrofida fuqaro X.M vaqtincha uyida boʼlmaganligi, yaʼni ishda boʼlganligi sababli uning akasi O.E ga topshirilganligi aniqlandi.