Increase size
Reset to Default
Decrease size
Главная  Yangiliklar  San’at turkumining “Sopol idishlar” pochta markalari chiqarilishi haqida PRESS-RELIZ

San’at turkumining “Sopol idishlar” pochta markalari chiqarilishi haqida PRESS-RELIZ

21.04.2015 y.

Turkum pochta bloki ko‘rinishida chop etilgan. Pochta bloki 4 ta pochta markasidan iborat. Pochta markalarida Buxoro, Samarqand va Xiva ustalari tomonidan ishlangan sopol idishlari tasvirlangan. Muzeylar eksponatlari orasida alohida o‘rinlardan birini kulolchilik san’ati namunalari egallaydi. Ularda kulolchilik maktablarining o‘ziga xos jihatlarini ko‘rish mumkin.

“O‘zbekiston pochtasi” AJ tomonidan tayyorlanib, O‘zbekiston Respublikasi axborot texnologiyalari va kommunikatsiyalarini rivojlantirish vazirligi tomonidan 2015 yil 25 aprelda “Sopol idishlar” turkumi muomalaga chiqarildi.

Pochta markalari bir necha rangda ishlangan. Ofset usulida bosilgan. Pochta markalarining perforatsiyasi taroqsimon. Qog‘ozi oq silliq. Pochta blokining o‘lchami 120x100mm. Pochta markalarining o‘lchami 37x37 mm. Adadi 10 ming nusxa. Dizayner - Kanеves E.

Identifikatsiya raqamlari berilgan va nominallari o‘rnatilgan.

1107. Shokosa. G‘ijduvon, XX asr boshi Nominali – 1400 so‘m

1108. Xumcha. Samarqand, XX asr boshi Nominali – 1400 so‘m

1109. Lagan. Xiva, XX asr boshi Nominali – 1500 so‘m

1110. Idish. Rishton, 1989 yil Nominali – 1500 so‘m